នាថ្ងៃអាទិត្យ ៩រោច ខែស្រាពណ៍ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី២១   ខែសីហា ឆ្នាំ២០២២ យុវជន ស.ស.យ.ក និងយុវជនកាកបាទក្រហមកម្ពុជា នៃសាកលវិទ្យាល័យមេគង្គកម្ពុជា បានរៀបចំពិធីដាំកូនឈើ ចំនួន ៧០០ដើម ក្រោមប្រធានបទ៖ “រួមគ្នាដាំកូនឈើដើម្បីបរិស្ថាន និងទេសចរណ៍ធម្មជាតិ” ក្នុងសហគមន៍តំបន់ការពារធម្មជាតិចំបក់ ស្ថិតនៅភូមិថ្មី ឃុំចំបក់ ស្រុកភ្នំស្រួច ខេត្តកំពង់ស្ពឺ ក្រោមអធិបតីភាព  ឯកឧត្តម នេត្រ ភក្ត្រា រដ្ឋលេខាធិការនិងជាអ្នកនាំពាក្យក្រសួងបរិស្ថាន  និងឯកឧត្តម ទិត វុទ្ធី អភិបាលរងជាតំណាងដ៏ខ្ពង់ខ្ពស់នៃគណៈអភិបាលខេត្តកំពង់ស្ពឺ ថ្នាក់ដឹកនាំមន្ទីរបរិស្ថាន ថ្នាក់ដឹកនាំសាខាកាកបាទក្រហមកម្ពុជា ថ្នាក់ដឹកនាំមន្ទីរកសិកម្មរុក្ខាប្រម៉ាញ់ និងនេសាទ ខេត្តកំពង់ស្ពឺ គណៈគ្រប់គ្រង សាស្ត្រាចារ្យ និងនិស្សិតនៃសកលវិទ្យាល័យមេគង្គកម្ពុជា យុវជនកាកបាទក្រហម យុវជនស.ស.យ.ក និងយុវជនស្រឡាញ់សន្តិភាពសាខាខេត្តកំពង់ស្ពឺ និងបងប្អូនប្រជាសហគមន៍ចំបក់ សរុបជិត ៣០០នាក់។ យុទ្ធនាការនេះរៀបចំឡើងក្នុងគោលបំណងបំផុសស្មារតី និងពង្រឹងសមត្ថភាព សិស្ស និស្សិត និងយុវជនក្នុងការឆ្លើយតបទៅនឹងការចូលរួមទប់ស្កាត់ការប្រែប្រួលអាកាសធាតុ និងលើកកម្ពស់ការដាំកូនឈើដើម្បីបង្កើនគម្របព្រៃឈើចូលរួមរក្សាអភិវឌ្ឍន៍សេដ្ឋកិច្ចសង្គម វប្បធម៌ និងជម្រុញទេសចរណ៍ធម្មជាតិឱ្យកាន់តែមានភាពទាក់ទាញ […]

នាព្រឹកថ្ងៃទី៩  ខែកក្កដា  ឆ្នាំ២០២២ ក្លឹបយុវជនកាកបាទក្រហមកម្ពុជា និង យុវជន ស.ស.យ.ក នៃសាកលវិទ្យាល័យមេគង្គកម្ពុជា បានចូលរួមសហការរៀបចំយុទ្ធនាការដាំកូនឈើ ក្រោមប្រធានបទ “យុវជនម្នាក់ដាំកូនឈើ  ១ដើម” ដើម្បីចូលរួមអបអរសាទរ  រុក្ខទិវាជាតិ  ៩  កក្កដា  ២០២២  ក្រោមអធិបតីភាព  លោកជំទាវ  សោម  សេរីវឌ្ឍន៍  នាយិកា  នាយកដ្ឋានធនធានមនុស្ស  តំណាងលោកជំទាវ  ពុំ  ចន្ទីនី  អគ្គលេខាធិការ  កក្រក  និងមានការអញ្ជើញចូលរួមពី  លោក  ទៀង  សុគន្ធ  នាយកសាខា  កក្រក  ខេត្តកណ្ដាល  លោកស្រី  ផល  គុយនី  អភិបាលរងនៃគណៈអភិបាលស្រុកលើកដែក  លោក  លោកស្រី  មន្ដ្រីថ្នាក់កណ្ដាល  មន្ដ្រីប្រតិបត្តិសាខា  ក្រុមប្រឹក្សាឃុំ  ទីប្រឹក្សាយុវជន  លោកគ្រូ  អ្នកគ្រូ  យុវជន  កក្រក  យុវជន  និស្សិត  នៃសាកលវិទ្យាល័យមេគង្គកម្ពុជា  ជាតិកាយរឹទ្ធិកម្ពុជា  យុវជន  ស.ស.យ.ក  […]

កាលពីថ្ងៃទី១៣ ដល់ ថ្ងៃទី១៥ ខែឧសភា ឆ្នាំ២០២២ និស្សិតចំនួន ១០រូប និងសាស្ត្រាចារ្យ ដឹកនាំ ០១រូប នៃសាកលវិទ្យាល័យមេគង្គកម្ពុជាបានចូលរួមក្នុង “កម្មវិធីតាំងពិព័រណ៍ និងប្រកួតម្ហូបអាហារ ខ្មែរ” នៅខេត្តព្រះសីហនុដែលកម្មវិធីនេះមានដូចជា៖ -ការតាំងពិព័រណ៍ -ការប្រកួតចំណេះដឹងទូទៅទេសចរណ៍ ការប្រកួតចម្អិនអាហារ និងភេសជ្ជៈ – ការសម្តែងសិល្បៈ សាកលវិទ្យាល័យមេគង្គកម្ពុជាសូមសម្តែងនូវអំណរសាទរដល់និស្សិតសាកលវិទ្យាល័យមេគង្គកម្ពុជាដែលទទួលបាន “ជ័យលាភីលេខ២” ក្នុងការប្រកួតចម្អិនអាហារ ភេសជ្ជ: និងចំណេះដឹងទូទៅ ផ្នែកទេសចរណ៍នៅក្នុងកម្មវិធី “តាំងពិព័រណ៍ និងប្រកួតម្ហូបអាហារខ្មែរ”។  សាកលវិទ្យាល័យមេគង្គកម្ពុជាសូមថ្លែងអំណរគុណយ៉ាងជ្រាលជ្រៅចំពោះលោក តាំង សុចិត្តគ្រឹស្នា ប្រធានមន្ទីរទេសចរណ៍ខេត្តព្រះសីហនុដែលបានរៀបចំកម្មវិធីនេះឡើងដែលមិនត្រឹម តែបានធ្វើការផ្សព្វផ្សាយពីវប្បធម៌ខ្មែរនិងពីវិស័យទេសចរណ៍ប៉ុណ្ណោះទេ តែក៏បានជួយជំរុញដល់ការបណ្តុះបណ្តាលលើវិស័យទេសចរណ៍ថែមមួយកម្រិតទៀត តាមរយៈការលើកទឹកចិត្តនិស្សិតដែលសិក្សាលើជំនាញទេសចរណ៍និងបដិសណ្ឋារកិច្ចទាំងអស់ដែលបានចូលរួមក្នុងកម្មវិធីប្រកួតប្រជែងដើម្បីបង្ហាញនូវសមត្ថភាពរបស់ខ្លួន និងរៀនសូត្រពីគ្នាទៅវិញទៅមក។ សាកលវិទ្យាល័យក៏សូមថ្លែងអំណរ គុណដល់មន្ទីរទេសចរណ៍ខេត្តព្រះសីហនុផងដែរនូវបដិសណ្ឋារកិច្ចយ៉ាងកក់ក្តៅក្នុងការទទួលនិស្សិត និងសាស្រ្តាចារ្យអំឡុងពេលស្នាក់នៅក្នុងខេត្តព្រះសីហនុ។ ទន្ទឹមនឹងនេះ សាកលវិទ្យាល័យមេគង្គកម្ពុជាសូមថ្លែងអំណរគុណយ៉ាងជ្រាលជ្រៅជូនចំពោះ ឯកឧត្តម គួច ចំរើន អភិបាលនៃគណៈអភិបាលខេត្តព្រះសីហនុដែលបានអនុញ្ញាតឲ្យមានការប្រារព្ធនូវកម្មវិធីដ៏មានសារប្រយោជន៍នេះ ព្រមទាំងវត្តមានដ៏ខ្ពង់ខ្ពស់របស់ឯកឧត្តមក្នុងការផ្តល់ជូនជ័យលាភីដល់ក្រុមនិស្សិត។ សាកលវិទ្យាល័យមេគង្គកម្ពុជា សូមប្រសិទ្ធពរជ័យជូនដល់ ឯកឧត្តម គួច ចំរើន និងលោក តាំង សុចិត្តគ្រឹស្នា […]

ថ្ងៃទី២៧-២៨ ខែមេសា ឆ្នាំ២០២២ សាកលវិទ្យាល័យមេគង្គកម្ពុជាបានសហការជាមួយក្រុមគ្រូពេទ្យស្ម័គ្រចិត្ត សម្ព័ន្ធគ្រូពេទ្យសហភាពសហព័ន្ធយុវជនកម្ពុជា ក្រុមការងារយុវជនកាកបាទក្រហម និងក្រុមការងារយុវជន ស.ស.យ.កប្រចាំសាកលវិទ្យាល័យមេគង្គកម្ពុជា បានរៀបចំ យុទ្ធនាការចាក់វ៉ាក់សាំងការពារកូវីដ-១៩ (ដូសជម្រុញ) ជូនដល់គណៈគ្រប់គ្រង បុគ្គលិក សាស្ត្រាចារ្យ និងនិស្សិតនៃសាកលវិទ្យាល័យមេគង្គកម្ពុជា។

សាកលវិទ្យាល័យមេគង្គកម្ពុជាបានផ្តល់ការបំពាក់ក្តាខៀនកញ្ចក់ចំនួនពីរ ជូនដល់វិទ្យាល័យព្រែកស្លែង ដែលមានទីតាំងស្ថិតនៅ ភូមិពន់ចាន ឃុំព្រែកស្លែង ស្រុកកណ្តាលស្ទឹង ខេត្តកណ្តាល។​ ការឧបត្ថម្ភក្តាខៀនកញ្ចក់នេះ  ដេីម្បីចូលរួមបង្កលក្ខណៈងាយស្រួល ដែលឆ្លើយតបដល់កិច្ចការងារបណ្តុះបណ្តាលធនធានមនុស្សនៃវិទ្យាល័យព្រែកស្លែង នៅថ្ងៃព្រហស្បតិ៍ ១០កើត ខែភទ្របទ ឆ្នាំឆ្លូវ ត្រីស័ក ព.ស២៥៦៥  ត្រូវនឹងថ្ងៃទី១៦ ខែកញ្ញា ឆ្នាំ២០២១

កាលពីព្រឹកថ្ងៃអាទិត្យ ១១កើត ខែបុស្ស ឆ្នាំកុរ ឯកស័ក ព.ស. ២៦៥៣ ត្រូវនឹងថ្ងៃទី០៥ ខែមករា ឆ្នាំ២០២០ សាកលវិទ្យាល័យមេគង្គកម្ពុជា និងក្លឹបយុវជនកាកបាទក្រហមប្រចាំសាកលវិទ្យាល័យមេគង្គកម្ពុជា បានសហការជាមួយគណៈគ្រប់គ្រង លោកគ្រូ អ្នកគ្រូ និងសិស្សានុសិស្សនៃវិទ្យាល័យតាំងក្រសាំង ខេត្តកំពង់ធំ រៀបចំនូវកម្មវិធីដាំកូនឈើ ក្រោមប្រធានបទ “យុវជនមួយរូប ដើមឈើមួយដើម”។ កម្មវិធីនេះត្រូវបានរៀបចំឡើងដើម្បីបង្ហាញពីការចូលរួមរបស់គ្រួសារសាកលវិទ្យាល័យមេគង្គកម្ពុជា សាស្រ្តាចារ្យ បុគ្គលិក និងនិស្សិតក្នុងកិច្ចការសង្គម ជាពិសេសគឺដើម្បីផ្សាភ្ជាប់យុវជនជាមួយនឹងការងារអភិវឌ្ឍសហគមន៍ ស្របតាមគោលនយោបាយរបស់រាជរដ្ឋាភិបាលកម្ពុជា។ គូសបញ្ជាក់ផងដែរថា ក្រៅពីសកម្មភាពដាំកូនឈើ បុគ្គលិក និស្សិត និងសិស្សានុសិស្សនៃវិទ្យាល័យតាំងក្រសាំង បានទទួលនូវការបណ្តុះបណ្តាលស្តីពីការអភិវឌ្ឍបុគ្គលិកលក្ខណៈ និងភាពជាដឹកនាំពីវាគ្មិនដែលជាសាស្រ្តាចារ្យជំនាញនៃសាកលវិទ្យាល័យមេគង្គកម្ពុជា ផងដែរ។

ថ្ងៃសុក្រ ៥កើត ខែកត្តិក ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១ ខែវិច្ឆិកា ឆ្នាំ២០១៩ ក្លឹបកាកបាទក្រហមប្រចាំសាកលវិទ្យាល័យមេគង្គកម្ពុជាបានរៀបចំកម្មវិធីការអប់រំនិងបរិស្ថានដោយបានដឹកនាំយុវជនកាកបាទក្រហមចំនួន ៥០នាក់ ទៅចូលរួមក្នុងពិធីបើកបវេសនកាលនៃសាលាបឋមសិក្សារលៀក ដែលមានទីតាំងនៅ ភូមិរលៀក ឃុំអំពិល ស្រុកកំពង់សៀម ខេត្តកំពង់ចាម។ យុវជនកាកបាទក្រហមបានចូលរួមសកម្មភាពជាច្រើនដូចជា៖ ១. ការធ្វើបទបង្ហាញទៅលើប្រធានបទចំនួនបី -ប្រធានបទទី១៖ អំពីបញ្ហាបរិស្ថាន -ប្រធានបទទី២៖ អនាម័យខ្លួនប្រាណ -ប្រធានបទទី៣៖ គុណតម្លៃនៃការអប់រំ ២.ការដាំកូនដើមឈើ ដូចជា ក្រញូង៣០ដើម បេង១០ដើម ធ្នង់១០ដើម  និងដាំផ្កាដើម្បីលម្អបរិវេណសាលា។ ៣.ជូនអំណោយដល់លោកគ្រូអ្នកគ្រូចំនួន១០នាក់ និងចែកជូនសម្ភារៈសិក្សាមួយចំនួនជូនដល់សិស្សានុសិស្សចំនួន ២១០នាក់ រួមមាន៖ -សៀវភៅសរសេរ ៤២០ក្បាល -សៀវភៅតូច ៨៤០ក្បាល -ប៊ិច ២១០ដើម -ខ្មៅដៃ ២១០ដើម -ជ័រលុប ២១០ដុំ -បន្ទាត់ ២១០ឈុត និងសម្ភារៈកីឡាមួយចំនួនទៀត ។ ៤.ដំណើរទស្សនៈកិច្ចសិក្សាស្វែងយល់ពីសក្តានុពលទេសចរណ៍ក្នុងខេត្តកំពង់ចាមចំនួន ២កន្លែង រមណីយដ្ឋានធម្មជាតិភ្នំប្រុសភ្នំស្រី និងរមណីយដ្ឋានប្រវត្តិសាស្ត្រប្រាសាទនគរបាជ័យ។ កម្មវិធីនេះ […]

នៅសាលាបឋមសិក្សាទឹកថ្លា ខេត្តកំពង់ធំ ក្រោមកិច្ចសហការជាមួយសមាគមតំបន់ Kansai (KSAK) ប្រទេសជប៉ុន និងសាកលវិទ្យាល័យមេគង្គកម្ពុជា។ The activities of checking the room construction at Teuk Tla Primary School in Kampong Thom province in collaboration with the Association in Kansai Area (KSAK), Japan and Cambodian Mekong University.

(ភ្នំពេញ)៖ កាលពីព្រឹកថ្ងៃសុក្រ ៨រោច ខែស្រាពណ៍ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី២៣ ខែសីហា ឆ្នាំ២០១៩ ក្លឹបយុវជនកាកបាទក្រហមប្រចាំសាកលវិទ្យាល័យមេគង្គកម្ពុជាបានសហការជាមួយទីស្នាក់ការកណ្តាលកាកបាទក្រហមកម្ពុជា និងមជ្ឈមណ្ឌលជាតិផ្តល់ឈាម រៀបចំនូវកម្មវិធីបរិច្ចាគឈាម ក្រោមប្រធានបទ “តំណក់ឈាមនៃក្តីសង្ឃឹម” និងកម្មវិធីរៃអង្គាសថវិកាជូនមន្ទីពេទ្យគន្ធបុប្ផា។ សាកលវិទ្យាល័យមេគង្គកម្ពុជា និងក្លឹបយុវជនកាកបាទក្រហមកម្ពុជាប្រចាំសាកលវិទ្យាល័យមេគង្គកម្ពុជា សូមគោរពថ្លែងអំណរយ៉ាងជ្រាលជ្រៅ ជូនចំពោះ លោកជំទាវ ពុំ ចន្ទីនី អគ្គលេខាធិការ កាកបាទក្រហមកម្ពុជា ដែលបានអញ្ជើញចូលរួមជាគណៈអធិបតី ដោយបានពាំនាំប្រសាសន៍របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្តាំផ្ញើសួរសុខទុក្ខ ចំពោះគណៈគ្រប់គ្រង សាស្រ្តាចារ្យ បុគ្គលិក និស្សិត និងក្មួយៗយុវជនដោយក្តីនឹករលឹក។ លើសពីនេះទៅទៀត យើងខ្ញុំសូមថ្លែងអំណរគុណដល់មជ្ឈមណ្ឌលជាតិផ្តល់ឈាម អ្នកស្ម័គ្រចិត្តផ្តល់អំណោយឈាម សប្បុរសជន សីល្បៈករ សីល្បៈការនី និងក្រុមការងារផ្សព្វផ្សាយនៃហង្សមាសទាន់ហេតុការណ៍២៤ម៉ោង ដែលបានចំណាយពេលវេលា និងធនធានផ្ទាល់ខ្លួនចូលរួមឧបត្ថម្ភគាំទ្រដល់សកម្មភាពមនុស្សធម៌ដ៏មានសារៈសំខាន់សម្រាប់សង្គមជាតិមួយនេះ។ គូសបញ្ជាក់ផងដែរថា សាកលវិទ្យាល័យមេគង្គកម្ពុជា និងក្លឹបយុវជនកាកបាទក្រហមតែងប្រារព្ធរៀបចំនូវកម្មវិធីមនុស្សធម៌ និងសកម្មភាពសង្គម ជាច្រើន រួមមានដូចជា ការបរិច្ចាគឈាម ការរៃអង្គាសថវិកាជូនដល់ជនរងគ្រោះ […]