នៅថ្ងៃសៅរ៍ ១០កើត ខែផល្គុន ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី៨ ខែមីនា ឆ្នាំ២០២៥ ក្លឹបយុវជនកាកបាទក្រហមកម្ពុជា យុវជនស.ស.យ.ក និងនិស្សិតនៃសាកលវិទ្យាល័យមេគង្គកម្ពុជាមានកិច្ចសហការជាមួយកាកបាទក្រហមកម្ពុជាសាខាខេត្ត ព្រះសីហនុ និងក្លឹបយុវជនកាកបាទក្រហមកម្ពុជា យុវជនកាយរឹទ្ធិ និងយុវជនស.ស.យ.ក នៃវិទ្យាល័យចំណេះទូទៅ និងបច្ចេកទេសក្រុងព្រះសីហនុ រៀបចំកម្មវិធីផ្លាស់ប្ដូរបទពិសោធន៍ “មិត្តអប់រំមិត្ត-មិត្តជួយមិត្ត”។ កម្មវិធីនេះប្រព្រឹត្តទៅក្រោមអធិបតីភាព លោក សែជូ សិទ្ធិជោតិ លេខាធិការគណៈកម្មាធិការសាខាកាកបាទក្រហមកម្ពុជាខេត្តព្រះសីហនុ តំណាងដ៏ខ្ពង់ខ្ពស់ឯកឧត្តម ម៉ាង ស៊ីណេត ប្រធានគណៈកម្មាធិការសាខាកាកបាទ ក្រហមកម្ពុជាខេត្តព្រះសីហនុ។ ក្នុងនោះក៏មានការចូលរួមពីឯកឧត្ដម រឿត សុខុន នាយករង នាយកដ្ឋានធនធានមនុស្សកាកបាទក្រហមកម្ពុជារួមទាំង លោក កាយ រិទ្ធី សាកលវិទ្យាធិការរង នៃសាកលវិទ្យាល័យមេគង្គកម្ពុជា និងលោកគ្រូអ្នកគ្រូសាស្ត្រាចារ្យ ទីប្រឹក្សាយុវជនកាកបាទក្រហមកម្ពុជា ប្រចាំសាកលវិទ្យាល័យមេគង្គកម្ពុជា ព្រមទាំងលោក គាំ សុខុម នាយកសាខា និងក្រុមប្រតិបត្តិសាខាកាកបាទក្រហមកម្ពុជា ខេត្តព្រះសីហនុ ព្រមទាំង លោកស្រីនាយិកា ស៊ុន ចិន្ដា […]

ថ្ងៃព្រហស្បតិ៍ ១៣ រោច ខែកត្តិក ឆ្នាំរោង ឆស័ក ពស ២៥៦៨ ត្រូវនឹងថ្ងៃទី២៨ ខែវិច្ឆិកា ឆ្នាំ២០២៤ សាកលវិទ្យាល័យមេគង្គកម្ពុជាបានរៀបចំទស្សនកិច្ចសិក្សាជូនដល់និស្សិតឆ្នាំមូលដ្ឋានវេនព្រឹកវគ្គទី១ ២០២៤-២០២៥  ទៅកាន់ព្រះបរមរាជវាំង និងសារមន្ទីរជាតិ។

នាថ្ងៃសៅរ៍ ២រោច ខែអស្សុជ ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី១៩ ខែតុលា ឆ្នាំ២០២៤ អបអរសាទរពិធីសំណេះសំណាល​ និងបំពាក់កន្សែងយុវជនកាកបាទក្រហមកម្ពុជា​ ក្រោមអធិបតីភាពដ៏ខ្ពង់ខ្ពស់បំផុត​ សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ប្រធានកាកបាទក្រហមកម្ពុជា​ និងសម្តេចមហាបវរធិបតី​ ហ៊ុន​ ម៉ាណែត​ នាយករដ្ឋមន្ត្រីនៃព្រះរាជាណាចក្រកម្ពុជា​ និងលោកជំទាវបណ្ឌិត​ ពេជ​ ចន្ទមុន្នី​ ហ៊ុនម៉ាណែត​ អនុប្រធានអចិន្ត្រៃយ៍កាកបាទក្រហមកម្ពុជា​ នៅមណ្ឌលសន្និបាត​ និងអន្តរជាតិជ្រោយចង្វារ​ រាជធានីភ្នំពេញ។ ក្នុងពិធីនោះ ក៏មានការចូលរួមពី ឯកឧត្តម ប៊ុន្នី វឌ្ឍនៈ បញ្ញា សាកលវិទ្យាធិការនៃសាកលវិទ្យាល័យមេគង្គកម្ពុជា និងជាប្រធានកិត្តិយសក្លឹបយុវជនកាកបាទក្រហមកម្ពុជា និងទីប្រឹក្សាយុវជន៤រូប ព្រមទាំងយុវជនកាកបាទក្រហមកម្ពុជាប្រចាំសាកលវិទ្យាល័យមេគង្គកម្ពុជាសរុប១៣២រូប។

នាថ្ងៃចន្ទ ១កើត ខែស្រាពណ៍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៥ ខែសីហា ឆ្នាំ២០២៤ គណៈគ្រប់គ្រង បុគ្គលិក សាស្ត្រាចារ្យ និស្សិត យុវជន ស.ស.យ.ក និងយុវជនកាកបាទក្រហមកម្ពុជា នៃសាកលវិទ្យាល័យមេគង្គកម្ពុជា បានរៀបចំពិធីអបអរសាទរការបើកការដ្ឋានសាងសង់ព្រែកជីកហ្វូណន​ តេជោ

នៅថ្ងៃព្រហស្បតិ៍ ៦រោច ខែជេស្ឋ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី២៧ ខែមិថុនា ឆ្នាំ២០២៤ យុវជនកាកបាទក្រហម និងយុវជនស.ស.យ.ក នៃសាកលវិទ្យាល័យមេគង្គកម្ពុជាបាននាំយកមូលនិធិពីការរៃអង្គាសថវិកាពីគណៈគ្រប់គ្រង សាស្ត្រាចារ្យ បុគ្គលិក និងនិស្សិត បានចំនួន ១ ១០០ ០០០រៀល (មួយលានមួយសែនរៀល) ជូនមន្ទីរពេទ្យគន្ធបុប្ផា។ សាកលវិទ្យាល័យមេគង្គកម្ពុជា សូមថ្លែងអំណរគុណដល់គណៈគ្រប់គ្រង បុគ្គលិក សាស្ត្រាចារ្យ និងនិស្សិតទាំងអស់ដែលមានទឹកចិត្តសប្បុរសធម៌ ស្រលាញ់ និងគាំទ្រកិច្ចការមនុស្សធម៌របស់សាកលវិទ្យាល័យ មេគង្គកម្ពុជា។ សូមជូនពរដល់គណៈគ្រប់គ្រង បុគ្គលិក សាស្ត្រាចារ្យ និងនិស្សិតទាំងអស់ទទួលបាននូវសុខភាពល្អ ជោគជ័យ សិរីមង្គល វិបុលសុខ និងពុទ្ធពរ ៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

ថ្ងៃពុធ ២កើត ខែចេត្រ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី១០ ខែមេសា ឆ្នាំ២០២៤ សាកលវិទ្យាល័យមេគង្គកម្ពុជាបានរៀបចំពិធីសូត្រមន្តក្នុងកម្មវិធី “សង្រ្កាន្តគ្រួសារសាកលវិទ្យាល័យមេគង្គកម្ពុជា” ដែលមានការចូលរួមពីសមាជិកក្រុមប្រឹក្សាភិបាល ឯកឧត្តម បាន ថេរ៉ូ និងឯកឧត្តមបណ្ឌិត វ៉ាន់ ច័ន្ទតារា ឯកឧត្តមសាកលវិទ្យាធិការ ប៊ុន្នី វឌ្ឍនៈ បញ្ញា ព្រមទាំង សាកលវិទ្យាធិការរង ព្រឹទ្ធបុរស ព្រឹទ្ធបុរសរង សាស្ត្រាចារ្យ បុគ្គលិក និស្សិតនិងអតីតនិស្សិត យុវជនកាកបាទក្រហម និងយុវជនស.ស.យ.ក។ កម្មវិធីសង្រ្កាន្តគ្រួសារសាកលវិទ្យាល័យមេគង្គកម្ពុជា៖ – ពិធីសូត្រមន្ត – លេងល្បែងប្រជាប្រិយខ្មែរ – សម្តែងរឿង – របាំជូនពរ – ច្រៀង និងរាំកម្សាន្ត – និងមានកម្មវិធីផ្សេងៗជាច្រើនទៀត។

នាថ្ងៃសៅរ៍ ៦រោច ខែផល្គុន ឆ្នាំថោះ បញ្ចស័ក ព.ស. ២៥៦៧ ត្រូវនឹង ថ្ងៃទី៣០ ខែមីនា ឆ្នាំ២០២៤ សាកលវិទ្យាល័យមេគង្គកម្ពុជាបានរៀបចំទស្សនកិច្ចសិក្សាស្វែងយល់ពីសក្តានុពលតំបន់ទេសចរណ៍នៅខេត្តព្រះស៊ីហនុ ដោយមានការចូលរួមពីយុវជនកាកបាទក្រហម យុវជន ស.ស.យ.ក និងនិស្សិតនៃសាកលវិទ្យាល័យមេគង្គកម្ពុជា។

ថ្ងៃពុធ ២រោច ខែមាឃ ឆ្នាំថោះ បញ្ចស័ក ព.ស.២៥៦៧  ត្រូវនឹងថ្ងៃទី០៧ ខែកុម្ភៈ ឆ្នាំ២០២៤ សាកលវិទ្យាល័យមេគង្គកម្ពុជា មានកិត្តិយសបានសហការជាមួយក្រុមការងារឥស្សរជនឆ្នើមថ្នាក់ជាតិ នៃកាកបាទក្រហមកម្ពុជា  រៀបចំកម្មវិធីអប់រំផ្សព្វផ្សាយលើកកម្ពស់ការយល់ដឹងស្តីពី «សុខភាពមាតា ទារក និងកុមារ សុខភាពបន្តពូជ និងការថែទាំសុខភាពបឋម»  ដល់និស្សិតចំនួន ២៥០នាក់ នៃសាកលវិទ្យាល័យមេគង្គកម្ពុជា …!! ក្រោមអធិបតីភាពដ៏ខ្ពង់ខ្ពស់ លោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា និងជាអនុប្រធានអចិន្ត្រៃយ៍ក្រុមការងារឥស្សរជនឆ្នើមថ្នាក់ជាតិ។ ក្នុងឱកាសនោះផងដែរ លោកជំទាវ បានគូសបញ្ជាក់ពីគោលបំណងចម្បងចំនួន ៣ ក្នុងពិធីអប់រំផ្សព្វផ្សាយនេះគឺ ទី១. ដើម្បីឈានឆ្ពោះទិវាខួបកំណើតកាកបាទក្រហមកម្ពុជា ១៨កុម្ភៈ និងទិវាជាតិសុខភាពមាតា ទារក និងកុមារ ២១កុម្ភៈ, ទី២. គឺជាផ្នែកមួយនៃការផលិតកម្មវិធីឥស្សរជនឆ្នើមថ្នាក់ជាតិប្រចាំខែ ដែលមានកិច្ចសហការជាមួយទូរទស្សន៍ជាតិកម្ពុជា, និងទី៣. គឺដើម្បីចូលរួមលើកកម្ពស់ការយល់ដឹងរបស់យុវជន ស្របតាមយុទ្ធសាស្ត្របញ្ចកោណ-ដំណាក់កាលទី១ របស់រាជរដ្ឋាភិបាល ដែលកំពុងអនុវត្តវិធានការគន្លឹះក្នុងវិស័យសុខាភិបាល និងការអភិវឌ្ឍមូលធនមនុស្ស គឺមនុស្សដែលមានសុខភាពល្អ និងមានសមត្ថភាព។ ជាមួយគ្នានេះ លោកជំទាវ បានផ្តល់កិត្តិយស […]

សាកលវិទ្យាល័យមេគង្គកម្ពុជា បានរៀបចំកម្មវិធីដាំកូនឈេីចំនួន៥០០ដើម ក្រោមប្រធានបទ “យុវជនមួយរូប ដាំកូនឈើមួយដើម” និងកម្មវិធីទស្សនៈកិច្ច សិក្សាស្វែងយល់អំពីកសិទេសចរណ៍ (កសិទេសចរណ៍ ម៉ុង ប្ញទ្ធី សែនជ័យ) ដែលមានទីតាំស្ថិតនៅ ស្រុកសំរោងទង ខេត្តកំពង់ស្ពឺ នឹងប្រព្រឹត្តិទៅនៅថ្ងៃអាទិត្យ ៨កើត ខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២២ ខែតុលា ឆ្នាំ២០២៣ ។ សម្រាប់និស្សិតដែលចង់ចូលរួមសូមទំនាក់ទំនងតាមរយៈ 081 272 221 /096 565 3878 /095 731 050